Frauðplastið

Einangrunarplast varmamótanna er gert úr þenjanlegu polystyren (EPS). Þéttleiki þess (30 Kg/m3) er talsvert meiri en almennt gengur og gerist í frauðplastplötum sem framleiddar eru hér á landi (16 Kg/m3 , 20 Kg/m3 og 24 Kg/m3). En aukin rúmþyngd hefur bæði áhrif á styrk og einangrunareiginleika plastsins.

Eiginleiki Gildi Eining
Rúmþyngd 30 [Kg/m3]
Varmaleiðni 0,033 [W/m K]
Styrkur 150 [kPa]
Raka % * 3,5 Rúmmáls %
Tregbrennanlegt -
* eftir ár í vatnsbaði

Frauðplastið er tregbrennanlegt. Það þýðir að plastið brennur ekki nema að logagjafa sé haldið að því. Þegar logi er fjarlægður hættir plastið að brenna.

Ofan á 75 mm hlið á varmamóti

Einangrunargildi

Einangrun varmamótanna er mjög góð. Ástæðan er bæði vegna framúrskarandi einangrunareiginleika frauðplasts, en einnig vegna órofins einangrunarlags. Einangrunarlagið er ekki rofið með timbur- eða stálgrind. Þetta leiðir af sér að yfirborðshiti innveggja er hár og einsleitur. Einangrun að utanverðu og hár hitamassi steypunnar, takmarkar hitasveiflur og minnkar þar með orkunotkun.

Í töflunni hér að neðan er að finna kólnunartölur fyrir varmamótin. Þær eru reiknaðar fyrir vegg með 13 mm gipsplötum að innan og 20 mm múrhúð að utan (sjá mynd hér til hliðar).

Mótagerð U-gildi (W/m2K)
VM-250/150 0,29
VM-300/200 0,29
VM-400/300 0,29
VM-250/100 0,20
VM-300/150 0,20
VM-400/2x135 0,22
VM-400/150 0,13

Hús byggð með varmamótum eru vel loftþétt (mun þéttari en grindarbyggð hús), meðal annars vegna þess að veggir úr varmamótum samanstanda bæði af þéttri einangrun og steinsteypu.

Engar kuldabrýr, hár hitamassi steypunnar, loftþéttleiki og góðir einangrunareiginleikar frauðplasts eru þau atriði sem gera hús byggð með varmamótum ódýrari í rekstri.

Gifsplata, frauðplasst, steypa, frauðplast og pússning.

Tengin

Tengin sem halda frauðplasthliðum varmamótanna saman er gerð úr endurunnu plasti. Tengi eru sterk og hafa gott skrúfuhald.

Járnin eru lögð í tengin.


Varmamót ehf - Framnesvegi 19 - 230 Keflavík - Sími 421 6800 - Fax 421 4910 - varmamot@varmamot.is